Egg Biryani In Telugu
ప్రధాన పదార్థాలు:
- గుడ్లు – 6
- బాస్మతి బియ్యం – 1 గ్లాస్ (సుమారు 300 గ్రాములు)
- నీరు – 1¾ గ్లాసులు (రైస్కు)
ఉల్లిపాయ – టమాటా మిశ్రమం కోసం:
- ఉల్లిపాయ – 1 మీడియం సైజ్ (మోటుగా కట్ చేసినది)
- టమాటాలు – 2 (లేదా 1 కప్పు ముక్కలు)
- వెల్లుల్లి రెబ్బలు – 10
- అల్లం – 1 అంగుళం ముక్క
- పచ్చిమిర్చి – 2 Egg Biryani In Telugu
గుడ్లు ఫ్రై చేయడానికి:
- నూనె – 1–2 టీ స్పూన్లు
- ఉప్పు – ¼ టీ స్పూన్
- కారం – ¼ టీ స్పూన్
- పసుపు – చిటికెడు
బిర్యానీకి ఉల్లిపాయలు:
- సన్నగా తరిగిన ఉల్లిపాయలు – 1 కప్పు
సంపూర్ణ మసాలాలు (Whole Spices):
- బిర్యానీ ఆకులు – 2
- స్టోన్ ఫ్లవర్ (కలపాసి) – కొద్దిగా
- యాలకులు – 2
- లవంగాలు – 4–5
- మరాఠీ మొగ్గ – 2
- దాల్చిన చెక్క – చిన్న ముక్క
- స్టార్ అనీస్ – 1
- మిరియాలు – 10
- షాజీరా – 1 టీ స్పూన్
- జీలకర్ర – ½ టీ స్పూన్
పొడి మసాలాలు:
- కారం – 2 టీ స్పూన్లు
- ధనియాల పొడి – 1 టీ స్పూన్
- గరం మసాలా పొడి – 1 టీ స్పూన్
- బిర్యానీ మసాలా – 1 టీ స్పూన్
- పసుపు – ¼ టీ స్పూన్
- ఉప్పు – రుచికి సరిపడా
ఇతర పదార్థాలు:
- పెరుగు – ½ కప్పు
- నెయ్యి – 1 టేబుల్ స్పూన్ + పై నుంచి వేయడానికి కొద్దిగా
- నూనె – 1–2 టేబుల్ స్పూన్లు
- కొత్తిమీర ఆకులు – కొద్దిగా
- పుదీనా ఆకులు – కొద్దిగా
ఐచ్చికం (స్మోకీ ఫ్లేవర్ కోసం):
- కాల్చిన బొగ్గు – 1 చిన్న ముక్క
- నెయ్యి – ½ టీ స్పూన్ (బొగ్గుపై వేయడానికి)
Egg Biryani In Telugu :- ఈరోజు మనం ఇంట్లో చాలా సింపుల్గా చేసుకునే బెస్ట్ ఎగ్ బిర్యానీని తయారు చేయబోతున్నాం. ఈ బిర్యానీ టేస్ట్ చాలా చాలా బాగుంటుంది. ఇంట్లో ఈ స్టైల్లో ఎగ్ బిర్యానీ చేస్తే హోటల్కి మించిన రుచి వస్తుంది. ఈ బిర్యానీకి పక్కన ఇంకేమీ లేకపోయినా కూడా సూపర్గా తినేయొచ్చు. మీరు కూడా ఎగ్ బిర్యానీని పర్ఫెక్ట్ టేస్ట్తో చేయాలంటే ఒకసారి ఈ విధంగా ట్రై చేసి చూడండి. ఖచ్చితంగా మీ అందరికీ చాలా బాగా నచ్చుతుంది. మరి ఎంతో మందికి నచ్చిన ఈ నోరూరించే టేస్టీ ఎగ్ బిర్యానీని ఎలా చేయాలో ఇప్పుడు చూద్దాం.
ముందుగా గుడ్లను తీసుకొని ఉడికించాలి. ఇక్కడ నేను ఆరు గుడ్లను తీసుకొని ఉడికిస్తున్నాను. గుడ్లు ఉడుకుతున్నంతలో మరోవైపు ఒక గిన్నెలో ఒక గ్లాస్ బాస్మతి బియ్యాన్ని తీసుకోవాలి. ఇది వెయిట్ వైస్గా సుమారు 300 గ్రాముల వరకు ఉంటుంది. బియ్యాన్ని బాగా కడిగి 20 నుంచి 30 నిమిషాలు నానబెట్టాలి. ఇలా కడిగి నానబెట్టిన బియ్యాన్ని పక్కన పెట్టుకోవాలి. గుడ్లు బాగా ఉడికిన తర్వాత పక్కకు తీసుకొని కొంచెం చల్లారాక పొట్టు తీసి రెడీగా ఉంచాలి.
ఇప్పుడు ఒక కడాయిని తీసుకొని అందులో ఒక టేబుల్ స్పూన్ నూనె వేసి వేడి చేయాలి. నూనె వేడి అయిన తర్వాత మీడియం సైజ్గా కట్ చేసిన ఉల్లిపాయ ముక్కలను వేసి ఫ్రై చేయాలి. వీటితో పాటు పొట్టు వొలిచిన వెల్లుల్లి రెబ్బలు, ఒక అంగుళం అల్లం ముక్కలను వేసి బాగా ఫ్రై చేయాలి. ఉల్లిపాయలు దోరగా ఫ్రై అయిన తర్వాత అందులో ఒక కప్పు వరకు టమాటా ముక్కలు వేసి బాగా వేయించాలి. ఉల్లిపాయలు, టమాటాలు మెత్తబడే వరకు కలుపుతూ ఫ్రై చేయాలి. రెండు మూడు నిమిషాల తర్వాత ఇవన్నీ బాగా ఫ్రై అయినప్పుడు వాటిని మిక్సీ జార్లోకి తీసుకొని చల్లారే వరకు పక్కన ఉంచాలి.
Egg Biryani In Telugu
అదే కడాయిలో మరోసారి ఒకటి రెండు టీ స్పూన్ల నూనె వేసి, అందులో పావు టీ స్పూన్ ఉప్పు, పావు టీ స్పూన్ కారం, చిటికెడు పసుపు వేసి బాగా కలపాలి. ఇప్పుడు ఉడికించిన గుడ్లకు లైట్గా గాటు పెట్టి అందులో వేసి ఫ్రై చేయాలి. ఇలా ముందుగా గుడ్లను ఫ్రై చేయడం వల్ల పైన కొంచెం క్రిస్పీగా ఉండి ఉప్పు కారం బాగా పట్టి చాలా రుచిగా ఉంటాయి. గుడ్లు గోల్డెన్ కలర్ వచ్చేవరకు ఫ్రై చేసి ప్లేట్లోకి తీసుకొని పక్కన ఉంచాలి.Egg Biryani In Telugu
ఇప్పుడు ముందుగా ఫ్రై చేసిన ఉల్లిపాయ–టమాటా మిశ్రమంలో రెండు పచ్చిమిర్చులను వేసి మెత్తగా గ్రైండ్ చేసి పక్కన పెట్టుకోవాలి. ఇప్పుడు ఒక పాన్ తీసుకొని అందులో ఒక టేబుల్ స్పూన్ నెయ్యి, ఒకటి రెండు టేబుల్ స్పూన్ల నూనె వేసి వేడి చేయాలి. నూనె వేడి అయిన తర్వాత సన్నగా తరిగిన ఒక కప్పు ఉల్లిపాయలను వేసి బ్రౌన్ కలర్ వచ్చే వరకు బాగా ఫ్రై చేయాలి. బిర్యానీకి వేసేలా ఉల్లిపాయలు దోరగా అయిన తర్వాత అందులో సగం ఉల్లిపాయలను పక్కన తీసి ఉంచాలి.
ఇప్పుడు అదే పాన్లో బిర్యానీ ఆకులు, స్టోన్ ఫ్లవర్, యాలకులు, లవంగాలు, మరాఠీ మొగ్గలు, దాల్చిన చెక్క ముక్క, స్టార్ అనైస్, మిరియాలు వేసి వాసన వచ్చే వరకు ఫ్రై చేయాలి. తరువాత షాజీరా, జీలకర్ర వేసి కలపాలి. అందులో గ్రైండ్ చేసి పెట్టుకున్న ఉల్లిపాయ–టమాటా పేస్ట్ వేసి ఒకటి రెండు నిమిషాలు ఫ్రై చేయాలి. తర్వాత అర కప్పు పెరుగు వేసి మంటను తగ్గించి బాగా కలపాలి. ఇప్పుడు పసుపు, ఉప్పు, కారం, ధనియాల పొడి, గరం మసాలా, బిర్యానీ మసాలా వేసి కొద్దిగా నీళ్లు పోసి మాడిపోకుండా కలపాలి.Egg Biryani In Telugu
ఇప్పుడు పుదీనా, కొత్తిమీర ఆకులు వేసి కలిపి, నానబెట్టిన బియ్యాన్ని నీళ్లు వడకట్టి అందులో వేసి ఒకసారి బాగా కలపాలి. అదే గ్లాస్ కొలతతో ఒకటి ముప్పావు గ్లాస్ నీళ్లు వేసి మెల్లగా కలపాలి. ఉప్పు సరిపోయిందో లేదో చూసుకొని అవసరమైతే కొద్దిగా వేసుకోవచ్చు. మధ్య మంటపై ఉడికించాలి. అన్నం 80 శాతం ఉడికిన తర్వాత పైన ఫ్రై చేసిన ఉల్లిపాయలు, కొత్తిమీర ఆకులు, ఫ్రై చేసిన గుడ్లను చుట్టూ అమర్చాలి.
Egg Biryani In Telugu
మధ్యలో ఒక చిన్న గిన్నె పెట్టి అందులో కాల్చిన బొగ్గు వేసి, దానిపై అర టీ స్పూన్ నెయ్యి వేసి వెంటనే మూత పెట్టాలి. పై నుంచి కూడా కొద్దిగా నెయ్యి వేసి లో ఫ్లేమ్లో ఎనిమిది నుంచి పది నిమిషాలు దమ్ ఇవ్వాలి. తర్వాత మూత తీసి చూసుకుంటే చక్కగా సువాసనతో కూడిన ఎగ్ బిర్యానీ రెడీగా ఉంటుంది. స్పూన్తో మెల్లగా కలిపి తడి లేకుండా ఉడికిందో లేదో చూసుకోవాలి. ఇలా ఇంట్లో చేసిన ఎగ్ బిర్యానీ హోటల్కి మించిన రుచితో చాలా బాగుంటుంది.
⏱️ తయారీకి పట్టే సమయం
- గుడ్లు ఉడికించడం – 10 నిమిషాలు
- బియ్యం కడిగి నానబెట్టడం – 20 నుంచి 30 నిమిషాలు
- కట్ చేయడం & మసాలా తయారీ – 15 నిమిషాలు
- ఎగ్ బిర్యానీ వండడం – 30 నిమిషాలు
మొత్తం సమయం: సుమారు 1 గంట 15 నిమిషాలు
(నానబెట్టే సమయంతో కలిపి)Egg Biryani In Telugu
🍽️ పోర్షన్ వినియోగం (Servings)
- ఈ రెసిపీతో 3 నుంచి 4 మందికి సరిపడేంత ఎగ్ బిర్యానీ తయారవుతుంది
- ఒక్కొక్కరికి సుమారు 1 మీడియం ప్లేట్ లేదా 1 ఫుల్ బౌల్ చొప్పున సరిపోతుంది